قصة درت عقلي

#الجزء 1

سعدات لي عطاه ربي لعقل فهاد دنيا كيمشي بشويا ماشي بحالي أنا ديما غادي مزروب فأي حاجة ما كنفكرش تكون ما كتعرفنيش وتعطيني لفلوس باش نتسخر ليك بلا متعول رجع عندك ضربك تران ومكنعرفش شي حاجة سميتها لحب لبنت لي بغيتها نجيبها كبيرة صغيرة ولي ما عندها فين تبات كنجيبها تنعس معايا ما عنديش موشكيل كولشي مقبول مكربيش لكبدة على شي قحبة حيت أنا هاك معرفتش علاش الواليدة كتقول ليا امتا غادي دير عقلك أنا ما بغيتش نديرو لعقل خليتو ليكم ما عندي ما ندير بيه أنا عاجبني لحال بحال هاك حيت كي قولو حماق تعيش بلاتي بلاتي نسيت ما عرفتكم على راسي سميتي لمختار ههه غير من سمية يبان لعربون عندي 19 سنة كنقرا فسنكيام الواليد عندو طاكسي صغير كي هز بيه لبلايص الواليدة غير مريحة ختي بغات تمشي لافاك قال ليها الواليد بنتي وليتي كتعرفي تقراي وليتي كاتكتبي ميساجات دوزي ريحي حد موك حتى يجي شي ولد لقحبة يديك عليا من منها أنا مشيبهم ما عرفو ما يديرو معايا عندي بيت ديالي فسطاح لماكلة ديالي كطلعاها ليا لواليدة حتى لبيت عندي ما كنعس معاهم عندي بيرمي عيات معايا الواليدة قالت ليا مابغيتيش تقرا نوض خدم مع باك فطاكسي تعاون نت وياه ما نخدم فداك طاكسي حتى يشد الواليد لكرسي وي يولي كولشي فسميتي مالين لدار عندي قاصحين والله ما تشوف من عندهم شي ريال هوما من دوك ناس ديال جوعي فكرشي وفلوسي فالبنك ما كي قولوش نتمتعو ونعيشو حياتنا راه واحد النهار غادي نموتو ونخليو هاد لخرا كامل لهاد لهبيل وما غادي يعرف حتى كيفاش غادي يعش يديوها ليه غير شمايت متخافوش ولدكم هبيل وحادي حوايجو واحد النهار خارج من لليسي مع 18:00 أنا وعشيري يونس هو داز لدارهم وأنا تميت شاد طريق لدار وهي تبان ليا واحد خيتي كتبكي حد لمحطة كنشوف فيها كنقول نمشي عندها نقول ليها مالكي واش بغيتي نعاونك فشي حاجة واحد راس كي قول ليا أتمشي عندها ولا قمعاتك درت بناقص وكملت طريقي مشيت لدار طلعت نيشان لبيتي لي فسطاح حطيت شكارة مشيت جبت ليا باش ندير كاسكروط حتى كتعيط عليا خديجة لقحبة ألو لمختار نجي عندك نشرب أنا وياك مرحبا بيك فأي وقت الدار راكي كتعرفيها غير هو خاصني صرف...صافي خلي حتى نجي عندك خديجة فاش تجي طلعي نيشان لفوق صافي واخا قطعت درت كاسكروط طفيت تيليفون لا تصوني شي قحبة وتقول ليا بغيت نجي عندك ونديرو شي قصارة مالين الدار عارفيني كنطلع درايات كي قولو ليا غير الله يهديك وصافي شي النهار تسحر ليك شي وحدة الناس كتحسر لشي واحد عندو لعاقة وديور أو شريكات وطوموبيلات ماشي واحد حازق بحالي كي حويهم وكي عطيوه لفلوس من لفوق بقيت كالس كنتفرج حتى دخل عليا خديجة هازة قرعة ديال شراب ولقص فيدها ضربات ليا واحد جوج بوسات كلسات بقات عليا بديك توحشتك توحشت نكلس معاك نت هو لي لواحيد لي كتحلا ليا معاه لكلسة حتى نتي أخديجة بلا ما نقول ليك اش كتسواي عندي بدينا كنشربو شديت تيليفون ديالها طلقت مزيكة ونقصت صوت بيدنا داوين حسيت براسي سكرت جبدات ليا 500 درهم مختار هاك هادي قدي بيها الى خاصتك شي حاجة قولها ليا بديت كنبوس ليها فراسها هي لي ديما كتصوفيني ضربات 03:00 وهي تحيد حوايجها بقات كي خلقها ربي قالت ليا لمختار نوض درت 500 درهم تحت لمخدة سديت لباب تقدر طلع لواليدة على غفلة حيت حوايجي بقيت عليها قالت ليا لمختار نت لي كتهلا فيا لاهلا يخطيك عليا أمين حتى نتي سالينا لبسات حوايجها حتى أنا نفس شي لبست حوايجي قالت ليا يالاه قربني شويا باش نشد طاكسي بغيت نهز طاكسي ديال الواليد ولكن خاصني نحيد لباش خاصني بزاف ولا ناض ولقني هازها غادي يدفني وأنا حي مشيت معاها وأنا غادي معنقها حتى لشانطي داز واحد طاكسي ما بغاش يوقف بقات كتغرق ليه وحنا نهبطو لتحت عاد شدينا طاكسي ركبات لمختار تهلا فراسك بسلامة عليك سير دخل لداركم ما تبقاش دور فهاد ليل يدوك لبوليس صافي متخافيش مختار الى حتاجيتي شي جاحة عيط عليا صافي الله يحفضك ليا مشات راجع فطريقي كلقى ديك خيتي باقة فبلاصتها وقتلها لبرد مشيت عندها ساطة موقصة بي ماعنا لكليمة كولشي عندها أنا تزعط بعدة ولكن مستحيل ربي عليها لكبدة سلام سلام شنو كديري هنا وألو غير كالسة واش نتي حمقة واش كاين شي واحد كي كلس فهاد لوقت وفهاد لبلاصة بدات كتبكي كلست حداها مالكي شنو عندك هي غير كتبكي ما بغات تقول ليا وألو خيتي بحال الى زيزونة نوضي يالاه معايا لدار بدات كضرب فيا وكتقول ليا بعد مني سير بحالك أنا ماشي من داك نوع لي على باك شديتها مالكي قولي شنو كاين واش نديك عند لبوليس لا ما بغيت نمشي لحتى بلاصة أنا بغيت نعاونك نتي ما بغيتيش وأنا قتلني لبرد هنا تميت غادي وأنا نقول ليها عندك راه غادي يخرجو ليك شماكريا بقات مخلوعة وهي تقول ليا تسنا عفاك وقفت شنو بغيتي بدات كتمسكن واش نمشي معاك لدار حيت ما عندي فين نعس وخفت يخرجو ليا شماكريا عطيتها تجاكيطة لبساتها قالت ليا بلي سميتها أية قلت ليها سميتي مختار بقات كضحك مالكي كضحكي واش نت من نيتك سميتك مختار مهضرتش خليتها كضحك وأنا قدامها غير ضحكي ابنت لقحبة ولكن هاد ضحك لي ضحكتي عليا غادة تخلصي عليه فوق لفراش 

طلعنا لبيت بقيت كنقول ليها هضري غير بشويا مالين الدار ناعسين شديتها من يدها قالت ليا طلق مني ما تشدنيش ياكي خيتي طلعات قاصحة نعام أسي ولكن أنا كي عجبني بحال هاك نوع ديال لبنات لي ما يبغيوش لي يقصهم طلعنا دخلات لبيت شعلت ضوء أية كلسي أنا نهبط نجيب مانطة ونجي هبطت بشويا دخلت هزيت مانطة وأنا نطلع لقيت خيتي هازة لقرعة كتشوف فيها مختار ديلاش هاد لقرعة حيتها ليها اية خلي عليك هاد شي ونعسي واش هاد هو شراب لي كي خلي بنادم يطير فسماء وينسى لماشكيل اه هاد هو يالاه نعسي دابا باش غدا فصباح تعاودي ليا شمن موشكيل عندك وشنو لي خلك تهربي من الدار نعست حتى كنسمع اية كتقول لمخ طار ههههه لمخ طار هههه فقت شعلت ضوء لقيت وصلات لقمار بدات كضحك ولكلمة لي فمها هي لمخ طار كتقولها وكتعاودها وكضحك ناري على بنت لقحبة بغات تشريها ليا مع الواليد اليوم نكمل أنا وياك نعاس فزنقة كنسمع شي واحد طالع ضربتها حطيتها فبلاصتها غطيتها درت راسي نعاس ولكن كنشوف غير بنص عين كي شعل ضوء كلقاه زامل تاع الواليد بقى كي شوف هو يبدا يدور فراسو زعمة اش هاد الوالد.

#الجزء 2

زعمة اش هاد الولد لي عطني الله الناس عندهم لولاد وأنا عندي خطية أنبقى تبعك حتى شي النهار تسكت ليا لقلب أولد لاحرام قلت ليه فخاطري داك شي لي بغيت طفا ضوء هو يمشي نضت حطيت يدي على اية نشوفها واش باقة كتنفس حيت بانت ليا ما بقاتش كتحرك لقيتها كتنفس رجعت نعست فبلاصتي حتى كتفيقني لواليدة باش نمشي لليسي جابت ليا لفطور شكون هاد لبنت لي جبتي عاوتني هادي ما لقاتش فين تبات وأنا نجيبها تبات معايا واش نت غير لي لقيتها تألفة تجيبها لهنا ولا كانو كي قلبو عليها لبوليس ولا شوف لمن هاربة كون كانت بنت للأصل كاع متخرج من الدارهم أويلي على هاد بنات ليوم بغاو يطيرو حنا كاع ما كان عندنا هاد شي فعائلات وللأصول ديالنا سمع نقول ليك جوج كلمات غادي تبقى حتى تجيبها فراسك شي النهار أنا كنقولها ليك دير عقلك وبعد ليا من لبنات راه فيهم غير لمشاكيل شي النهار شي وحدة طيح عليك شي باظل وتمشي دوز حياتك كاملة فالحبس والله ما نتبعك أنا دابا هضرت معاك أنا بالله وبشرع معاك يا هاد لولد غسلت وجهي فطرت الواليدة مسكينة الله يسمح ليا منها داك شي لي كتقول كي دخل من هاد لودن وخرج من هاد لودن هزيت شكارة مشيت لليسي عندي ساعتين عند لعربية طريفة معايا بزاف بغاتني غير نديها فقرايتي ونجمع راسي ولكن معامن كتهضرو مع واحد كاع ما مسوق لحاجة لواحيدة لي فراسي هي دريات ولا كاين شي شراب دخلت كلست فبلاصتي ما تحركتش يونس عشيري ما جاش وليت بحال شي أمانة كيف كنجي كنكلس كنبقى بحال هكاك حتى كتصوني ما كنحرك حتى شي سكين صونات تمينا خارجين قالت ليا أستاذة لمختار بقى حتى نهضر معاك كلست على طويلة خرج كولشي بقيت أنا وياها مشات سدات لباب فاش بغيتني أستاذة مختار ما بقيتش كيف كنتي تبدلتي بزاف وليتي كدخل كتكلس كتبقى هكاك حتى كتخرج وليتي غير ساهي واش عندك شي مشاكيل نعونك حيت نت عزيز عليا بزاف ما بغيتكش ضيع أنا بغيت نشوفك فالمرتبة الولة أنا غير مهبط راسي وكنسمع حيت بحال هاك لكلام سمعتو شحال من مرة هزات ليا راسي مختار واعدني بلي غادي ديها فقرايتك وتولي تشارك صافي واخا أستاذة دابا واش نمشي لا بلاتي ما عندك فين تمشي غادي تمشي معايا ما قلت ليها لا فين لا وألو حيت ما كنقدرش نرد عليها خرجنا بقينا غادين وحنا ندوزو من حد واحد خوتنا شادين جوانات قالت ليا مختار شوف دوك جوج ها هوما خسرو حياتهم لا مستقبل لا خدامة ما كيناش حتى لبنت لي غادة تقبل عليه وهو فديك لحالة هاد شي علاش أنا بغيتك تقرا ونشاء الله نشوفوك شي طبيب ولا بوليسي نت زوين وطريف أي يبنت تحلم يكون عندها راجل بحالك شكرا أستاذة على لموجملا ولكن أنا ما كنفكرش فزواج ولا ما غاديش نتزوجش كاع متخار لي هرب لزواج هرب لطاعة ولكن سمحي ليا أستاذة وليت كنشوف شي بنات كي خرجو سيهرو مع دراري على قبل شويا ديال لفلوس مختار واخا هكاك باقين بنات ناس مشي كولشي بحال بحال أستاذة بغيت نسولك...اه سوال واش نتي مزوجة شافت فيا وقالت ليا باقي ما جابش الله ولكن أستاذة زوينة بحال وعندها خلصة مزيانة وباقة بلا زواج فصراحة أستاذة كون كنت كبير كون تزوجت بيك بقات كضحك مختار كل تخيرة فيها خيرة اه عندك صح الله يجيب ليك شي ولد الناس أمين وصلنا لواحد لعمارة دخلنا قالت ليا بلي هادي هي الدار ديالي قلت فخاطري هاد الاستاذة دجاجة بكمونها دابا ها نت عرفتيها فين ساكنة باش تبقى تجي عندي ندير ليك مورجعة تفقنا واش أستاذة هاد لمورجعة بلا فلوس بلاش كندير هاد شي غير باش نشوفك شي حاجة واخا أستاذة الله يرحم ليك الواليدين هبطت مع دروج تميت غادي لدار حتى كنسمع مختار مختار درت لقيتها خديجة مشيت عندها سلام سلام شنو كدير هنا جيت مع أستاذة وراتني دار باش نبقى نجي عندها دير ليا مورجعة ههه مختار واش كرانك كي خدمو وكي قداو لمستقبل ديالهم ونت باقي مقبل ليا لقراية ها حنا نشوفو اش غادة تعطيك هاد لقراية خديجة واش كي حساب ليك أنا نيت كنقرا راه غير كنمشي وكنجي صندالتي قطعتاها معاهم خلينا من هاد لقراية ديال لخرا وقولي ليا فين غادة أنمشي نجيب باش نفطر يالاه فقت مزيان نتي لي جات معاك مختار بحال وألو أنجي عندك ليوما فليل واخا لي بغيتي مشيت معاها حتى لحانوت تقدات باش تفطر تلاقات مع واحد خيتي فالحانوت بقات كتشوف فيا فين ما نهز عيني لقها كتشوف فيا مشيت معاها حتى وصلات لدار مختار بينتنا تيليفون صافي واخا مشيت لدار طلعت لبيتي أية باقة ناعسة وايلي ياك ما ماتت هاد لخرية بقيت كنزعزع فيها وهي تفيق مختار مالنا اش كاين غير شفتك طولتي فنعاس وتخلعت عليك نوضي غسلي وجهك وكولي لي ليك شويا باش تعاودي ليا شنو عندك باش نعاونك ولا مقدرتش نديك لبوليس باش هوما يتكلفو بيك حيت تقدر تكوني دايرة شي حاجة مقودة ويكونو لبوليس كي قلبو عليك ونصدق أنا فشي موشكيل واش فهمتيني اه فهمتك شكرا بزاف حيت جبتني بت عندك المهم أنغسل وجهي ونمشي بحالي حيت نقدر ندير ليك مشاكيل مع مالين الدار أية كلسي حتى تاكلي عاد ديك الساعة سيري كلسات كاتكل بقيت كالس حداها بقات فيا أنا هاد شي ما نبغيهش لختي لمختار أنا لي قالت ليك هاد شي لي واقع عليا غادي تقول عليا كذابة ولا قحبة بالعربية وسمح ليا على هاد لكلمة حسيت بيها مقصحة أية غير قولي شنو عندك خوي عليا قلبك ونقدر نفعك بشي حاجة الى قدرت مختار ما عندك باش تعاوني حيت أنا ضعت بحلاش ضعتي شرحي ليا أنا فقت شراف ديالي مع بابا واش ما عمرك سمعتي شي وحدة غتصباها باها فاش قالت ليا بحال هاك شديت راسي وهي كتبكي أية واش نتي عارفة هاد شي لي كتقولي خطير شنو كي دير الواليد ديالك بابا طبيب ولكن كيفاش حتى وقع هاد شي أنا براسي ما عرفاش وقفت بقيت كندور فسطاح وكنشوف فيها شديتها من يدها يالاه زيدي معايا فين غادي بيا لمختار أنمشيو لكوميسارية دوك الناس الله يعمرها الدار والله حتى يصيفطوه فين يتربة ما غديش يبقى يشوف شمس بدات كتبوس ليا فيديا وهبطات باش تبوس ليا رجليا أية نعلي شيطان اش هاد شي كدير هزيتها من لارض أنا حرت ما بقيت عارفة ما ندير نعاوني قول ليا شنو ندير الله يرحم ليك الواليدين أية واش قلتي لماماك هاك شي لا مقدرتش وأصلن مستحيل شي واحد يتيق بيا أيقولو هادي غير حمقة شنو لمعمول أ أية خاصني نتقام منو وتعرف ماما لحقيقة كيفاش غادة تنتقامي منو أندير ليه فيديو أو هو معايا فالبيت فشي وطيل واخا ولكن كيفاس غادة ديري حتى تخليه يمشي معاك لوطيل داك شي خليه على حسابي نت بقى غير مرقبني حيت يقدر يقتلني إلى عرف كنسجل فيه حيت بابا حمق شويا يمشي يتعالج عط الله سبيطارات خلات ليا نمرة ديالها قالت ليا أنمشي لدار المهم نت صوني باش طلع ليا نمرتك ديك الساعة صونيت وقطعت مشات بحالها قلت ليها سيري يا لقحبة قالت ليك ختصبها باها هاد باها مالو حمق حتى لهاد دارجة يخلي موك ويمشي ليك نتي هبطت ريحت حد واحد لحانوت واحد خونا كي شوف فيا وكنشوف فيه هو يجي عندي سلام سلام خويا شي واحد كي بيع لحشيش هنا خونا أول مرة كي بان ليا فالحي شحال خاصك بغيت 200 كل 50 بوحدها شديت من عندو لفلوس قلت ليه تسناني هنا أنا أنمشي نقدي ليك لغراض واخا أخويا الله يرحم ليك الواليدين فهاد النهار قلت ليه فخاطري..

#الجزء 3

قلت ليه فخاطري إلى باقي شفتيني أجي حويني مشيت جبت شراب طلعت لسطاح بديت كنشرب حتى كي صوني تيليفون هاد نمرة ما عنديش شكون أيكون جاوبت ألو شكون معايا نت هو لمختار ياك أححح هادي درية ناري وليت مشهور شكرا الواليد على هاد سمية أول مرة غادي دير شي حاجة زوينة فحياتك اه هو هاد شكون نتي أنا واحد لمعجبة مرحبا بيك اش حب لخاطر بغيت نشوفك ونكلسو ونهضرو الى ما عندك حتى شي منيع اه ماكين حتى موشكيل على راس ولعين ولكن قولي ليا شكون عطاك نمرة ديالي إوا شتي ها نت بغيتي تعصبني نت عجبتيني ولواحد الى عجباتو شي حاجة كي وصل ليها اه هادي عندك إوا شنو درنا دابا لمختار قولي ليا شنو سميتك بعدة سميتي أميمة مشرفين المهم قولي ليا فين بغيتي نجي عندك عرفتي جردة ديال لمساوي اه عرفتها أتلقني تما كالسة فاش توصل صوني أوكي واخا تما فين ساكنا خديجة نضت بلخف خبيت لقرعة ديال شراب لبست حوايجي رشيت عليا ريحة فحوايجي وفومي مشيت لجردة بقيت كنشوف كاين بنادم مخلط بنات دراري عيالات رجال جبت تيليفون عيطت كي صوني ما كينش لي جاوب بنت لقحبة غير كضحك عليا درت تيليفون فجيب مشيت كلست فواحد كلسي جبت تيليفون قلت نعاود نصوني جاوبت ألو لمختار فينك أنا فجردة نتي لي فينك حتى أنا فجردة قولي ليا شنو لابسة لابسة سروال دجين وقوبية حمرة صافي شفتك قطعت وأنا نمشي عندها هادي هيا لي شفت فالحانوت فاش مشيت مع خديجة دابا عاد فهمت خديجة هي لي عطاتك نمرة مختار عرفتيني دابا اه عرفتك نتي لي كنتي فالحانوت ديك النهار وسلمتي على خديجة بقينا كالسين هضرة مني هضرة منك قلت ليها نوضي نحيدو من هنا فين انمشيو ألمختار نمشيو لدار عندي اه واخا يالاه مشينا لدار كلسنا بدينا كنهضرو قلت ليها واش فيت ليك تصاحبتي من قبل أنا ما كنتصاحبش كل مرة مع واحد عادي وكل مرة كنبات مع واحد هي اليوم غادة تباتي معايا اه مرحبا علاش تلاحيت عليها بديت كنفلورطي سيدة سخنات حيدنا حوايجنا وحنا نتكاو فوق ناموسية وهي توقف علينا خديجة تصدمت أميمة هادي نتي حطات داك شراب لي جابت وهي تمشي لبست حوايجي أميمة لبسي حوايجك فاش نجي ما لقاكش هنا مشيت تبعتها خديجة وقفي خليني نهضر معاك شديتها من يدها لقيتها كتبكي مختار ما عمري كنت معولة نشوفك فهاد لحالا ومعامن مع صاحبتي وأنا لي عطيتها نمرتك قالت زعمة غادي دفع عليها كبير ساعة وقع لعكس خديجة سمحي ليا ولكن نتي عارفة كيفاش كنعيش عايش بلا عقل لي قالت ليا كنبغيك ولا كتعجبني كنجيبها لدار وأنا ما عمري بغيت شي وحدة ولا ربيت لكبدة على شي وحدة دابا خلينا نمشيو نكلسو ونشربو كيف ديما مختار سير شرب بوحدك وكلس بوحدك أنا عف عليا الله من هاد الحطة شيرات على طاكسي وقف هزها ومشات رجعت لدار كلست صافي دابا لينت لي كتعطيني لفلوس وكتشري ليا لحوايج مشات بديت كنشرب حتى سكرت مزيان دابا شنو خاصني ندير بقيت كنشري حتى نعست لغدا ليه فقت راسي كي درني لقيت لفطور محطوط ودنيا مرونا مشيت غسلت وجهي جيت كلست بديت كنقول شنو واقع لبارح واش أنا تخصمت مع خديجة بصح عيطت عليها وألو مكتجاوبش خرجت بلا ما نفطر تلاقيت مع واحد خونا قال ليا بلي خونا مول 200 درهم كي قلب عليك ولا لقاك غادي يحيد موك من لحالة المدنية قلت ليه سير تقود نت وياه بقيتو لينا غير نتوما ألبيادق مشيت لدرب عند خديجة بقيت عاصر ليها قدام لدار باش تخرج نمشي نهضر معاها فتحات لباب شافت فيا وهي تسدو صافي خيتي حقدات عليا بقيت كالس فين ما تبغي تخرج كتشوفني كتسد لباب وليت أنا هو لعدو ديالها أنا بغيتها غير على قبل لفلوس لي كتعطيني أما هي تمشي تقود ما عندي ما ندير بيها هي طل من شارجم مختار عفاك سير بحالك ما بقيتش بغيت نشوفك وجهك هنا بعد ليا من طريقي دابا هنا فين خاص لمختار يدير  رومنسية ديال لهنود خديجة ما متيقش بلي أنا وياك مخاصمين ياكي قلتي بلي أنا هو أعز واحد عندك وأنا هو لي كاتحلا ليك لكلسة معاه هاد شي كولو بصح ولكن نت مشيتي طحتي مع صحبتي واش عمري خليتك مخصوص من شي حاجة هبطي اخديجة خلينا نهضرو بحال شي جوج مفهمين بديت كنطلب واخا تنسا أنا هابطة كتقطع فالقلب مع هبطات ما خليتش ليها فين تحرك عنقتها وقلت ليها سمحي ليا ما بقيتش نعاود هادي أخير مرة طيحت شويا ديال دموع باش نبان بلي ندمت على هاد شي لي درت قالت ليا أنسمح ليك هاد لمرة مرة أخر دير ها ولا ها والله ما نعقل عليك صافي واخا دابا سير لدار حتى ليل ونجي عندك بستها وأنا نمشي لدار كيبان ليا خونا مول 200 درهم واقف قدام باب الدار تخبيت بقيت كنطل غير بنص عين هاد خونا حلف لا مشا حتى يخود فلوسو وأنا كتر منو قالها بلال (راك مريض نت تعاند فيا أنا) بقيت مخبي حتى مشا وأنا نطلع لسطاح جمعت ديك روينا جات عندي لواليدة أجي هبط كلس معانا خاصنا نهضرو الله يسمعنا خبار لخير لقدية فيها جتيمع كلست قالو ليا بلي ختي شي الناس غادي يجيو يهضرو فيها قلت ليهم لحمد لله غادي يبقى ليا كولشي بوحدي مكنحس حتى كتحط ليا واحد تصرفيقة فودني نوض طلع لسطاح ديالك نت ما خاصكش تكلس مع الناس فشي جماعة الله يعطيك شي موصيبة تهزك عليا واش ما عندكش دم قلت ليه تبرعت بيه لبارح سير طلع لسطاح ديالك وليتي بحال شي كلب عايش معزول كاع دراري ساكنين مع واليدهم وبعقلهم حتى ليك نت خرجتي ليا من جنب بغيت غير نعرف لمن خرجتي كتشبه يا سيدي ربي نت عطيتيه ليا بلا حوايج هاك ديه بحوايجو خليتو كي دعي طلعت لسطاح بقيت كالس حتى جات عندي ختي لمختار متقلقش من الواليد راه كيغوت عليك غير على قبل مصلاحتك عارف أختي الله يسمح لينا من الواليدين أمين قولي ليا شكون هادو لي بغاو يهضرو فيك واش حنا كنعرفهم حتى حنا ما كنعرفهمش ولكن حسناء كتعرفهم حيت هوما من لعائلة واش حسناء لي حدانا اه هي إوا الله يكمل عليك أختي أمين حتى نت كنتمنا دير عقلك ودير مستقبل ديالك ختي هاد لهضرة ما عمرك قلتيها ليا حتى سمعتي لقدية فيها لخطاب لا أخويا كنبغي نهضر معاك ولكن ما عنديش لوقت فين نهضر معاك ونت أصلان ما كتريحش غير كتنقز مرة هنا ومرة لهيه اه شكرا على نصيحة ديما نفس لهضرة كي سمعوني والله حتى كرهت هاد لخرا كاع بايت سكران أنا وخديجة لي قالت ليك عفا عليها الله من هاد الحطة فيقتني الواليدة نوض دير غير صواب مع الناس اش هاد تربية كولشي مني أنا علاش مالكي نتي حيت أنا لي ضسارتك وفشاشتك بلا قياس صافي بلا ما تبداية عاوتني سيري هبطي عند الناس راه غادي يكونو كي تسانو فيك مشيت غسلت وجهي لبست حوايجي شفت فالمرايا كيبانو عينيا منفوخين مع سهير قديت شعري درت رياحة هبطت مع دروج كنشوف.

#الجزء 4

هبطت مع دروج كنشوف مول 200 درهم ناري واش هاد هو لي غادي نولي نقول ليه نسيبي من هنا لكدام بغيت رجع لسطاح هي تعيط الواليدة مختار أجي سلم على الناس غلبني وجهي وهاد سيد أصلن ما يصلحش لختي حيت هو حشيشي مشيت باش نسلم عليه هو يوقف مديت عليه يدي هو يسلم عليا من لوجه وقال ليا فودني ماشي خدمة ديال رجال هاديك لي درتي باقي مبرهش فعقلك سلمت على مو وباه مشيت لكوزينة عيطت على الواليدة جات داك شي غير بالاشارة شنو بغيتي واش هاد هو لي باغي يخود ختي اه علاش سمعي هاد سيد ما يصلحش لختي قول ليا علاش خاصني نعرف هاد راه غير حشيشي يتزوج بيها ويقول ليها نوضي خرجي خدمي عليا بحال هاد نوع هو لي ديما ضارب مرتو ومصيفطها لدراهم وعينينها فيهم جميع لألوان دابا سير هضري مع راجلك وقولي ليهم شي كذبة المهم ختي متعطيوهاش لهاد خونا مختار سيد كي بان ولد الناس ونيتو حسنة دابا أنا ما عندي كلمة فهاد الدار سير حتى دير عقلك بعدة واش بنت ليك كلوح حوايجي ولا كنضرب بلحجار إلى مقدرتيش نتي تقولي ليهم يمشيو بحالهم أنا غادي نقولها ليهم شداتني من يدي هاد شي ديال الناس لكبار نت دخل سوق راسك كيفاش ندخل سوق راسي وأنا كنشوف ختي غادة لعداب وعينيها مفتوحين واش زواج حتى هو فيه لعداب دير عقلك أولدي وتبت شويا طلعت لسطاح بقيت كالس غادي نكل جنابي علاش ما كي سمعوش ليا حتى كنسمع الناس مشاو بحالهم طلعت عندي ختي خويا مالك ما كلستيش معانا ما بغيتش داك سيد ما دخلش ليا لخاطري خويا هو طريف ولد الناس اه دابا طريف ولكن غير بلاتي دوز 7 يام ديال المشمش وتشوفي ديك الساعة لا ما توليو فشد ليا نقطع ليك ختي ما تخوديهش عفاك غادة غير ضيعي حياتك معاه والله خويا فهمني عفاك حتى أنا بغيت ندير وليداتي ونعيش مع راجلي ونكونو أسرة حتى حنا بحال الناس عيت هنا فدار نت كتشوف كولشي على عينيك ما كنخرج ما وألو بغيت حتى أنا نخرج وندور ونشوف ونمشي حتى أنا لبلايص لي ما عمري مشيت ليهم دابا نتي بغيتي هاد سيد اه أخويا بغيتو عقلي عليها غير يفوت لعرس بشي جوج سيمانات وتمي جايا لداركم علاش أخويا كتفيل عليا بحال هاك ما بغيتيش ختك تعيش فرحانة وهانية من صداع اه أنا بغيتك تكوني أسعد مرأة فهاد لعالم ولكن سعادة ديالك مشي مع هاد لمخلوق خليتها وأنا نخرج شعلت واحد لكارو تكيفت دازت من حدايا واحد سيدة صاحبت لواليدة بقات كتشوف فيا شي شوفات ديال زعمة سيد خرج على حياتو نضت من تما مشيت عند خديجة كلست معاها شويا فاش بغيت نمشي عطاتني 250 درهم دزت خديت شي حوايج مشيت لدار كنسمع شي مراة كتقول زوجيه أصاحبتي بحال وألو يقدر يدير عقلو بحال كيف دارت سعدية لولدها اه هو دابا عايش بخير مع مرتو شكون كان كي قول بلي حميد غادي يدير عقلو ورجع لطريق قالت ليها الواليدة وشكون هادي أختي لي غادة تبغي تعطيني بنتها لولدي هوما عارفينو غير شراب وكل مرة جايب وحدة إوا الله يصبرك معاه أختي مشيت لبيتي قيصت لحوايج واش جاو قدي بقيت لابسهم شويا كي جيني ميساج فالواتساب مع كنخلي طرواجي مطلوقة دخلت أية هي لي مصيفطة ليا فيديو تيلي شارج دخلت شفتو ليقتها عريانة وباها حتى هو ونعسين فوق ناموسية تفو أنطل الله وعليكم دابا هاد خونا إلى طاح فيد داعش غادي يقولو ليه الله وأكبر الله وأكبر الله يرحمو مات ومقطع طراف طراف هي تصيفط ليا ميساج فيه واش شفتي الفيديو اه شفتو مختار عندك تمشي توريه لشي واحد أنا تقت فيك دابا غادة نصيفط ليك نمرة ديالو وبقى تهدد فيه وجود منو لفلوس طلب فلوس بزاف راه عندو لي يتحرك ما يتم داك شي لي عطاك نقصموه بنص صافي واخا حطيت تيليفون اش بغيتو يمشي يبعد مني هو وبنتو نمشي نجبد شي صداع راسي هبطت نمشي نجيب باش نشرب هاد ليلة هو يعيط عليا واحد خونا ولد درب سلام سلام مختار بغيتك تقدي ليا واحد لغرض شنو هو خاصني شراب حتى أنا لقيتني غادي نجيبو هاك جيب ليا معاك عطاني لفلوس قلت ليه عطيني لموطور باش نمشي ونجي بزربة شديتو وأنا نعفط قال ليا متعطلش خونا من نيتو كي تسناني نجيب ليه شراب راك كتشرب مشيت دزت من واحد زنقة فيها شي بعالك كي لعبو كنعرف فيهم واحد مو من داك نوع وصلت لبلاصة فين أنتقد شراب بلاصيت موطور درت يدي فجيبي جبت لفلوس كنقلب ما لقيتس تيليفون كنقلب ونعاود نقلب أواه تيليفون فين ناهو أنكون خليتو فدار لا هزيتو معايا ركبت على لموطور طرت لدار مالقيتوش ناري وتيليفون فيه شي حاجة خايبة رجعت بشويا منين كنت جايا وصلت عند لبعالك عيطت على خاليد جا عندي سلام مختار لاباس عليك لاباس لحمد لله شوف أنعطيك 100 درهم وقول ليا واش ما لقيتوش واحد تيليفون هنا واش تيليفون مصور فيه واحد لعود بيض اه هو هادك شكون لقاه شوف نت متخافش ما كينش لي غادي يقيصك طلع يالاه وريني الدارهم مشينا لدار دقيت خرجات ليا مو لابسة بيجامة وداك كي بان واطح بحال شمس قلتة لحية اش هاد لخلاقة ولكن كولشي من راجل سلام أخالتي وعليكم سلام اش داك شي أولدي عفاك واحد تيليفون لقاه ولدك ديالي لا ولدي ما جاب حتى شي تيليفون بغات ديرني فكرشها قلت ليها تيليفون ما عندكمش لا ما عدناش صافي واخا مشيت هزيت لبعلوك ديتو لكومسارية وأنا كنعرف واحد لحنشة مقود ما كي عرفش شي حاجة سميتها رحمة كولشي كي خاف منو وكي حترموه قال ليا مختار مالك عاوت ليه لافير هز معاه لبلعوك فطوموبيل هو يمشي أنا تابعو فالموطور حتى وصل لدار هبط قال لدري صافي نت دابا غير سير دق فتحات غير داك شرجم صغير ديال لباب قال ليها لقحبة جيبي تيليفون مهدرتش مشات جابت تيليفون بلا غوات بلا صداع شديت تيليفون فيدي وأنا نقول ليها تفو عليك فاش جيت وطلبت وهضرت معاك بصواب قلتي ما عنديش كتمشيو غير بالعكس شكرا خويا أشرف هانية مابينتناش ركبت على لموطور مشيت لواحد لبلاصة جبت تيليفون نشوف واش باقي داك شي هو هادك لقيت كولشي باقي كيف كان خديت شراب دزت عند خديجة خليتو ليها هو ولفلوس مشيت عند خونا عطيتو موطور ديالو قلت ليه بلي تبوعني لبوليس ولحت شراب كنت شويا وغادي نمشي فيها بقى كي قول ليا أنا ما سوقيش ما نعقلش عليك بغيت رزقي قلت ليه واش نت مريض راه حتى شراب ديالي مشا واش بغيتني نشد المهم خلي حتى لشي النهار ونجيب شراب ونعيط عليك تشرب معايا طلعت لدار اش كاين خورتو حتى هو هاد زعمة هو نزق فدرب كاع داك لي كي قول أنا وأنا كنقديهم ليه عيطت على خديجة جات عندي بيدنا كنشريو عاوت ليها على خونا لي بيدقتو فشراب بقات كضحك كضحك حتى قرابت ديرها فحوايجها هي طلع عندي لواليدة لمختار أجي هبط بغيت نهضر معاك الله يسمعنا خبار لخير خديجة أنا جاي مشيت عندها قالت ليا بقى بعيد ريحتك خانزة رجعت لور بدينا كنهضرو بحال شي وحدين بينتهم حسابات قدام قالت ليا غدا خاصك تكون ساحي حيت غادي نمشيو نخطبو ليك هههه عودي شنو قلتي غادي تمشيو تخطبو ليا وشكون قالها ليكم واش جيت شكيت عليكم أجي بعدة أنا ما عنديش لعقل وغير هبيل ولدي غادي تزوج وأدير عقلك شكون هادي لي بغيتو تخطبو ليا بنت رشيدة لواليدة فاش أندير عقلي ونتبت ديك الساعة أنا أنجي عندك ونقول ليك يالاه خطبي 

#الجزء 5

فاش أندير عقلي ونتبت ديك الساعة أنا أنجي عندك ونقول ليك يالاه خطبي ليا إلى زوجتيني دابا غادي غير نتكرفسو على هاد بنت الناس لي أتجيبي ليا مختار تقدر أولدي هادي بنت دير ليك عقلك شوف ولد سعدية حتى هو كان بحالك زوجاتو مو سير طل عليه دابا خدام على راسو ومهلي فمرتو ودابا راه قريب يتزاد عندو شي وليد واش دابا أنا غادي نمشي معاك باش تخطبي ليا واحد لبنت ما عمري شفتها ولا خرجت معاها كيفاش بغيتي يكون هاد زواج وأنا أصلن هاد لبنت مكنبغيهاش يقدر أولدي تزوجو وتولي كتبغيها ماشي ضروري تكون كتبغيها عاد تزوج بيها ولا جاب الله هاد لبنت عندها شي واحد كتبغيه نوليو فشد ليا نقطع ليك ولدي نت غير قول اه وخلي لكمل على الله ما عرفتي الخير فين كاين صافي واخا ولكن ديري فبالك إلى هاد لبنت تعدبات فحياتها معايا عرفي بلي نتي سباب وغادة يبقى ينبك دميرك وما تبقايش تنعسي حيت نتي عارف بلي ولدك كي شرب وكي جيب دريات وما خدامش عطيها غير لدوران لغدا ليه أسيدي دوشت لبست حوايجي معرفتش كيفاش حتى صحبت ساحي مورا لعصر مشينا عند رشيدة كيبانو الناس ما فحلهمش بحال هادو مقولوش ليك لا يعطيوك بنتهم ويتصلفو باش يديرو ليك لعرس حيت الناس الله يعمرها الدار ماشي ديال صداع عندهم غير نيشان ولكن غادي يتنسبو مع واحد مخلويط خليت الواليد هو لي كي هضر أنا غير مهبط راسي وكنشوف بنص عين خيتي ما بيهاش عندها حقها فزين قالو لينا نتشاورو مع لبنت واش باغة وما نقولو ليكم غير الله يكمل عليكم بالخير لبنت بغات قالت ليهم الواليدة لعرس نديروه لحد الناس تصدمو واش بهاد بزربة وحنا باقين ما موجدين وألو قال ليهم الواليد كولشي على حسابي نتوما ما ضربو حساب لداك شي بسلام بسلام رجعنا لدار وهاد شي ما فخبار حتى واحد إلى قلت لخديجة بلي غادي نتزوج النهار لاحد اتقول ليا سير داك شي لي بقى ليك نت حياتك كاملة ونت كطلب فيا باش نعطيك تكسى وباش تشري شراب مشيت كلست مع ختي واش هاد حال باش ندير عقلي خويا مي كتفكر فمصلاحتك كتر منك نت كتشوف اش كدير على قبلك كتجري من هنا ومن هنا غير باش تكون بحال ولاد جيران ولكن أختي أنا هاد عائشة غادي غير نكرها فحياتها وفنهار لي قبلات تزوج بيا خويا دير عقلك بنت زوينة وطريفة هوما ماشي ديال صداع والمشاكيل ها طاكسي نوض جمع راسك وخدم مع بأ وكاون عائلة ديالك ونشوفو ولادك نشاء الله 

أنا باقي ما مستعدش باش نتحمل مسؤالية حنا أنوقفو معاك أخويا المهم خليني نمشي نكمل شقى ديال الدار ومتفكر فوألو كولشي نشاء الله أيدزو مزيان وتشوف الحلال شحال زوين خرجت واش نمشي نقول هاد شي لخديجة لا بلاش تصدق دايرة ليا شي موشكيل مشيت عند الاستاذة لدار دقيت عليها قالت ليا طلع دخلت مختار فين هاد لغبورات ستاذة جيت عندك بغيتك تنصحيني باش وفاش لواليدة بغات تزوجني بواحد لبنت وأنا ماكنبغيهاش مختار واش كاينة شي وحدة فحياتك كتبغيها مجسيت براسي حتى عاوت ليها كولشي قالت ليا بلي هاد حال مزيان تقدر هاد لبنت دير ليك عقلك ومع لوقت تبغيها ما عرفتي لخير فين كاين شكرا بزاف راكي معروضة لعرس عندي النهار الاحد واخا شكرا بزاف لمختار حيت شحال هادي ما بقيت حطرت لشي عرس مرحبا بيك مشيت عند يونس حتى هو متيقش قال ليا والله ما كذبو فاش قالو ليك ما عندكش لوراق سير أصاحبي دير عقلك واش غير أجي وتزوج يونس والله أخويا حتى أنتزوج النهار الاحد وحق داك طعام لي مشاركين يبرد ليا فركابي حتى أنتزوج الدار راك كتعرفها بغيتي تجي مرحبا بيك ما بغيتيش شغلك هادك المهم هو أنا علمتك مشيت لدار مختار فين كنتي مشيت قلتها لصاحبي طلعت لسطاح لقيت حطو ناموسية وقداو ليا لبيت ولا واحد أخور قادو لقاعة كبيرة أنا ما مخلوع ما وألو حيت كاين لي كي بغي يتزوج تيكون مخلوع وصل النهار لعرس مشيت نعست فالبيت مع مالين الدار لغدا ليه لعرس فقت كنسمع مبروك ما تدرتو الله يجعل كولشي مبارك ومسعود قلت ليهم فخاطري جاين تشبعو كرشكم وتمشيو جيران كاع ما كي حملوني ولاد لاحرام دابا ياكلو ويمشيو لدار ويتجمعو جيران ويبقاو ناري يا ختي دجاج باقي بدمو أما سفة حالتها حالة يا ختي غير خسرو فلوسهم على وألو نضت لبست حوايجي أول مرة أنطلع فالعمارية وجيران كي شوفو فيا بواحد طريقة زعمة راك خاسر لباك رزقو فهاد شي وتقلهم كي قولو فنفسهم هاد شمكار تزوج كي دار ليها حتى أنا بحالك معرفتش كيفاش حتى واقع وها أنا دابا قدامكم داز لعرس هو داك كولشي كلا كولشي شراب طلعت أنا ومرتي لبيت لفوق شي حشمان من شي بدلت حوايجي هي تصيفط ليا خديجة ميساج أجي عندي لدار إلى بغيتي تشرب وتقصر عائشة أنا نمشي عند صحابي نقصر معاهم شويا إلى تعطلت عليك غير نعسي مشيت عندها كاينين شي دراري ودريات قصرنا فلاخر خرج كولشي بقيت كنهضر أنا وياها شويا بدات كتحيد حوايجها لبستها حوايجها خديجة لبسي حوايجك غادي يضربك لبرد مختار مالك شتك مبدل عليا هاد ليلة خديجة خاصني نمشي تعطلت سير سير يا لبارد ما عمرك باقي تحلم شي النهار تقيصني مزال مشيت لدار طلعت عائشة ناعسة هزيت لفراش ديالي مشيت نعست فلمرح حتى صباح الحال كتفيقني ختي نت علاش ما نعسش فبيتك غير حيت لبارح كنت مع دراري صاحبي سهرايني داك شي علاش جيت معطل بقات كتشوف فيا وكدور فراسها زعمة نت مشا عليك لكار طلعت لبيت نعست حداها وعطيتها بطهري هي تلوح عليا يديها وااا بنادم واا لحكومة والعداب واش كي حساب ليك ناعسة بوحدك مختار صباح نور صباح الخير حيدي يديك راكي قتلتيني قال ليك الله أوما قنطار ولا يد بشار جات ختي صباح لخير صباح نور عائشة أجي معايا باش تغلسي وجهك وتفطري بقيت ناعس حتى العشية جا عندي الواليد قال ليا يالاه معايا وشوف لخدمة كيفاش دايرة فطاكسي ونت دابا ولات عندك مراة خاصك توفر ليها كولشي مشيت معاه ركبت لقدام غادي وكي هز فتيتز ناري الى خدمت أنا غادي نشبع غير نوامر رجعنا فليل قال ليا كيف جاتك لخدمة مزيانة ياك اه زوينة بحال وجهك يبقى بنادم يعيط عليا طاكسي طاكسي راه عرفناه طاكسي مالو تران أولاد لقحاب تعشينا طلعنا ما كنعسش معاها كل مرة فين كنعس حتى نضت ليا مختار واش كتسناني أنا طلب باش تصلخني شنو نصلخك أنا ماشي كزار ونضو دير كيف كايدير أي رجل ومارتو أنا حبس ضحكة غير بزاز أنا ما عندي ما ندير بشي بعلوك يصدع ليا كري باركا عليا غير هاد شي لي فيا بلا ما يزيد عليا حتى كتصوني عليا خديجة خبيت تيليفون خرجت من لبيت ألو شنو كاين مختار شنو بان ليك نمشيو لسعودية شنو سعودية اش غادي نمشيو نديرو تما أنمشيو نخدمو كاينة واحد سيدة هي لي ضبرات ليا المهم نت يالاه راه غادة ضبر ليك على شي خدمة صافي نمشي ولكن خاصك لفلوس باش نكيرو كونطرة شحال خاص ديال لفلوس 6 لمليون ولكن الى خدمتي ترجعها فسيمانة ونتي من نيتك كون كانت عندي كون داير شي مشروع مقودة اش أنمشي ندير فبلادت الناس عرفتي إلى فتي حتى خدمتي غادي ترجعها فسيمانة ونص قلت ليها بلاتي بلاتي تفكرت.

لخوت هاد الجزء قصير ما كنتش غادي نكتب اليوم حيت عندي شي ماشكيل المهم غير يفوتو الجزاء طوال نشاء الله لي قريتيه يطرك را

#الجزء 6

بلاتي بلاتي تفكرت شنو لي تفكرتي لمختار من بعد ونقول ليك قطعت عليها دخلت لواتساب حيت تصويرتي دخلت عند طبيب بات أية سلام سلام قال ليا شكون نت ماشي مهم تعرف شكون أنا قال ليا سمح ليا أنبلوكيك حيت مكنعرفكش بلاتي بلاتي نصيفط ليك شي حاجة وديك الساعة بلوكيني صيفطت ليه لفيديو حيطت تيليفون بقيت كالس كنتسنا فيه يجاوب جات مرتي مختار شنو بغيتي نديرو لغدا ديري لي بغيتي هزيت تيليفون خرجت مشيت حد مول لحانوت شعلت كارو هو يصيفط ليا أوديو منين جاك هاد لفيديو وشكون لي عطاه ليك قول ليا شكون نت وشنو بغيتي هضر غير بشويا ولا نخرج ليك على خدمتك ونشوهك مع مرتك دابا قول ليا شحال بغيتي قلت ليه هاك نبغيك بغيت 20 مليون شنو واش كضحك عليا منين غادي نجيب ليك هاد لفلوس كاملة سمع أنا ماسوقيش كنعرف غير لفلوس ولا نشوهك مع مرتك قال ليا صافي ولكن دير فبالك بلي غادي نعرفك شكون نت وغادي ندمك على حياتك خونا عندو هضر بحال دوك الافلام ديال تركية قال ليا فين بغيتي نتلاقاو باش نعطيك لفلوس هاك ها لكونط ديالي دوز ليه لفلوس قال ليا صافي من هنا ليومين نحط ليك فلوسك هضرت مع خديجة شوفي من هنا اليومين يكون لفلوس عندك باش تقدي ليا كونطرة قالت ليا واخا كنتي باغي تقول ليا شي حاجة وقلتي ليا حتى لمن بعد شنو كاين لمختار خديجة خلي حتى نتلاقاو ونهضرو مشيت لدار تغديت تفكرت أية حتى هي خاصني نعطيها نص ديال لفلوس أنا غادي نخوي هاد لبلاد ما غادة تشد حتى شي ريال بقيت كالس فدار ما خرجتش طلعت لبيت فسطاح جات عندي عائشة مختار هاد شي بزاف خاصك تنوض تخدم باش حتى أنا لقى ما نصرف وتخرجني ندور بحال كاع الناس ماشي غير تزوجتي بيا تسد عليا فدار ومتعطينش وقت عائشة إلى ما عجبكش لحال نطلقو لي نطولوه نقصروه حيت أنا أصلن هاد زواج لمختار أنا مقلتش بحال هاك حتى أنا خاصني لفلوس باش الى عجبتني شي حاجة نشريها ضروري من لخدمة حنا دابا بجوج ولكن فكر من هنا لقدام فاش غادي يتزاد عندنا شي ولد ولا بنت وعطيني عقلك لمختار ناري اش هاد شي لي درتي ليا الواليدة كنت عايش هو هادك حتى صلتي عليا هاد لباركة قلت ليها يكون خير نشاء الله وصل وقت النعاس هزيت حوايجي مشيت نعست بوحدي لغدا ليه فطرت هو يعط ليا قال ليا بلي فلوسك راه دوزتهم ليك لكونط ولكن والله حتى تندم قلت ليه لي فجهدك ديرو باقي عندك لوجه كتهضر كاين شي واحد كي خون مراتو قال ليا المهم دابا نعرف شكون نت ولد من وديك ساعة غادي تعرفني علاش قاد مشيت لبنك تيريت 7 مليون خليت 13 لميلون عطيت لخديجة 6 لميلون بقات كتسول منين جبت هاد لفلوس كاملة وأنا ما خدام ما وألو عاوت ليها كولشي قالت ليا نت والله حتى كتقلب على لحبس قلت ليها متخافيش عارف اش كندير قالت ليا بلي خاصني نجمع حوايجي فهاد ليامت وجمعت شي وراق وقديت بسبور كولشي هو هادك مشيت تيريت عاوتني 8 وعاوت تيريت 5 طلعت لسطاح دفنتها فبيتي هبطت قالت ليا الواليدة شنو كنتي كدوك فسطاح وألو غير لصقت واحد لعلقة مختار أجي كلس بغيت نهضر معاك واخا الله يسمعنا خبار الخير ولدي خاصك تولي تصرف مع عائشة مزيان هي مسكينة مكتخلي مدير على قبلك ونت كاع ما سوق ليها أنا شنو قلت ليك فالاول بلي غادي غير نتكرفسو على البنت ونتي سباب باش أنا ندير عقلي مشيتي زوجتني بنت ما كنعرفهاش وموشكيلة هي هاد لبنت ما تستاهلش هاد تكرفيس ولدي على قبلي دير ليها خاطرها ونوض خدم ها طاكسي ديال باك هو يخدم بنهار ونت خدم بليل كل النهار ديرو نوبة ولي صورتوه قصموه من نص وما غادي يخصك حتى خير أنا ما خدامش وما عمري غادي نخدم غير قول ليا لمن شبهتي ما كنحملش بحال هاد لهضرة مشيت عند يونس قلت ليه بسلامة عليك أخويا وتهلا فراسك مقلتش ليه فين غادي حيت بزربة كي وصل لهضرة وأنا باغي نمشي بلا ما يعرف حتى شي واحد عيطات عليا خديجة قالت ليا بلي خاصك تجمع حوايجك باش غدا فالعشية نمشيو خديجة أنجمع حوايجي وأنجي نبات عندك قالت ليا واخا مشيت لدار بست لواليدة راسها أول مرة بقات غير كتشوف فيا تصدمات سلمت على ختي ومرتي تصدمو شي كي شوف فشي الواليد كان خدام مقدرتش نسلم عليه ولدي لمختار مالك كتسلم علينا بحال هاك بحال الى غادي لشي بلاصة وما أترجعش فين أنمشي ونخليكم ولدي ياك ما درتي عقلك ورجعتي لطريق اه بحال داك شي طلعت لبيت جمعت حوايجي فصاك وجبيتو بقيت كالس جات عائشة مختار عرفتي باش حسيت فاش بستيني فرحت بزاف دابا عاد عرفت بلي كتبغيني عائشة خلينا نعسو طفيت ضو بانت ليا نعسات يالاه حيت لمانط وهي تلوح يدها عليا عنقتني ناري اش هاد زهر بقيت صبر قلت زعمة دابا تيحد يدها خيتي عجبتها شدة حيت ليها يدها بشويا هزيت صاك هزيت صندالة فيدي باش ما نديرش لحس هبطت طاق طاق طاق حتى وصلت لباب باش نخرج كلقها مسدود بصاقطة ناري لقوادة غادي باش نجيب ساروت وظلام حاط يدي غير على لحيط وغادي ما كنشوف وألو وصلت لثلاجة حلت يدي كنقلب طيحت فاز ديال لورد هزيتو رجعتو لبلاصتو وبقيت كنقلب حتى لقيت ساروت تميت غادي لجهت لباب هو يشعل ضوء خويا فين غادي حتى بلاصة غير شربت وأنا دابا غادي طالع لبيتي درت راسي بحال الى طلعت وأنا باقي غير فدروج حتى طفات ضوء خليتها حتى شدات بلاصتها فتحت لباب بشويا سديت لباب من ورايا تميت غادي وأنا نشوف شي جيران باقين فايقين قلبت طريق مشيت من واحد زانقة أخرى بقيت غادي وأنا نحبس طاكسي قربت ليه كلقاه لواليد دورت وجهي كيبان ليا طاكسي أخر جاي حبستو ركبت فيه وصلني عند خديجة هبطت دقيت عليها خرجات عندي خيتي لابسة بزاف دخلت قلت ليها على شويا كان غادي يحصلني لواليد المهم حط صاك ديالك تما وأجي ها لبيت فين تنعس دخلت لبيت حطيت راسي على لمخدة وكنفرك شنو غادي يديرو مالين الدار فاش

#الجزء 7

وكنفكر شنو غادي يديرو مالين الدار فاش يعرفو بلي هزيت حوايجي وخرجت من الدار ما عارفين لا فين نمشيت لا فين جيت وشنو غادي نمشي ندير فهاد السعودية حيت كي مشيو ليها غير القحاب كي جيبو صرف صحيح وجيو يديرو شي مشروع يبعو لمكياج لغدا ليه فقت غسلت وجهي لبنات باقين ناعسن ولكن خديجة ما كيناش مشيت لحانوت جبت باش نفطر حتى كدخل خديجة معرفت فين كانت عطتني لوراق ديالي قالت ليا نوض دوش باش نمشيو داك شي لي درت نضت دوشت لبست حوايجي هزيت صاكي وحنا نمشيو لمطار بقينا كالسين شي نص الساعة عاد باش جات طيارة ركبنا أول مرة أركب فيها جات عندي لموطيفة ناري كي دايرة لقوادة قميجة بيضة وصدر منفوخ وصاية فوق ركبة ولكرفطة حمرة بقيت غير حال فمي قالت ليا دري صمطة قلت ليها معرفتش كيفاش ركبها دارت واحد ضحيكة خفيفة بنت لقحبة اش كي حساب ليها كرها عجبها لبستها راه مع أول مرة كركب فطيارة هي توضع معايا قداتها ليا عرفتي فاش كان وجها وصدرها قدام عينيا والله حتى قدام عينيا غير نحرك راسي غادي نقيس ليها صدرها سالات قلت ليها شكرا لا شكرا على واجيب مشات وبقيت متبعها بعينيا عندها واحد لمشية ديال الميمات كديرها بلعني باش تجدب لمسافرين هي تقرصني خديجة بسم الله عليك هاديك صلعة غالية عليك بقيت كنشوف فيها لماكلة من عندهم قصينا وصلنا السعودية هضرت خديجة مع سيدة قالت ليها حنا دابا فالمطار بقينا فالمطار حتى جات سيدة سلمت علينا خرجنا تمينا غادين خيتي غير كتسول عليا شكون هاد وعلاش جايبينو معاكم يقدر يدير لينا شي موشكيل سمعت خديجة قالت ليها متخافيش غير جبنها معانا قالنا الى لقيتي ليه شي خدمة حيت ما عندو ما يكلس يدير تما يالله زيدو طلعو طوموبيل كي دايرة من لداخل حسن من الدار بقات كتسول فيا واش واش فايت ليك خدمتي شي خدمة قلت ليها لا ما عمري خدمت ولكن حطيني على جرح يبرا بقات كضحك ها حنا انشوفو شنو سميتك بعدة سميتي لمختار واش واليديك ما لقاو ليك غير هاد سمية كون ما دبحوش عليها حيوان كون بدلتها شكون هاد لحيوان لي دبحتو؟؟ ما فيا لي بقى يشرح ليك خديجة نتي غادة تفهمي معاها قولي ليها شنو هو لحيوان جبت تيليفون كلقى ريزو ما كيناش واش هادي هي السعودية لي فضحينا بيها حتى ريزو ما فيها قالت ليا كون كانو سماك شي سمية حنس من هادي كنتي غادي تفكر بلي نمرة ديال المغرب مكتخدمش هنا بقاو كي ضحكو عليا وصلنا لدار دخلنا تا هادي ماشي الدار أقصر بقيت كندور وداك شي مقود شوف الناس فين عايشن يالله بفيت نطلع لفوق باش نشوف شنو كاين هي تقول ليا أجي هنا مشيت عندها قالت لينا راه ماشي غير نتوما لي ساكنين هنا معاكم الناس أخرين ولكن واحد يدخل سوق راسو ما بغيتش نسمع شي واحد تصدع ليا مع شي واحد لي رجع من خدمتو يمشي لبيتو ولي سمعت عليه شي حاجة والله ما نعقل عليه نعطيه لفلوس طيارة ويرجع يتقود منين جا سيدة قالت يرجع يتقود وكتشوف فيا ياك ما كتمنعني عليا واش تفهمنا اه صافي داتني لبيت حطيت صاك ديالي تلاحيت فوق ناموسية رتاح واحد شويا حيت باقي عاين مع سافر جات عندي لحاجة قالت ليا واش كتعرف دير لعمارة ديال شيشة قلت ليها اه علاش حيت غدا غادي تمشي تخدم فالقهوى واخا خديجة كاينة فبيتها لا ما كيناش مشات ضبر على راسها حيت داك شي لي غادي تجيبو أتقصموه معايا واش حتى أنا ها حتى نتا علاش كي حساب ليك غادي تخدم وتسكن فابور وتجمع لفلوس وتمشي بحالك فرحانة والعاقة فجيب ولحاجة تهز لقلب قلت ليها فخاطري نتي قحبة من لقحاب لقدام المهم غدا وجد راسك باش يديك شيفور لقهوى قلت ليها صافي لغدا ليه لبست حوايجي قديت حالتي جات عندي لحاجة قالت ليا سربي راه شيفور كي تسناك أنا غادي دابا ولكن لحاجة نتي ما غادش تمشي معايا لا ماكين لاش نمشي معاك حيت أتا هضرت مع لباطرون قال ليا صافي غير صيفطيه شوف عندك تمشي دير شي موشكيلة ولا تبسل على شي وحدة ديما عينيك فلارض ويلي قالت ليك كلس معانا مدويش معاها لمختار نت زينك غادي يجبد ليا غير لمشاكبل لحاجة متخافيش أنا جيت هنا غير باش نخدم صافي ديك تفلية خليتها فالمغرب قولي ليا غير شنو ندير سير تما هوما غادي يويرك شنو دير خرجت لقيت شيفور كي تسنا قال ليا على سلامة فاش هبطتي غير بشويا مالك كتغوت ركبت هو لي طالعة ليه شيفور كالس فكرسي ويبقى يوصل فالقحاب قال ليا شنو سميتك سميتي مختار مشرفين أنا سميتي إلياس مشرفين هاد لبلاد خايبة أخويا ومزيرة بزاف كيفاش إلياس مافهمتش؟؟ زعمة هنا داك شي مختالف ماشي بحال لمغرب شرح ليا هنا ما كينش لفساد بزاف دابا كتلقى راجل عايش مع مو وختو يقدر يحوي مو وختو فكرني فطبيب مع بنتو أية  هاد شي كامل وما كينش لفساد الله يعطينا وجهك مفهمتينش دابا شي النهار نخرجك وندورك وتشوف كولشي بعينك أنا راه ما جيتش لهنا باش نخدم عندي لفلوس باش نعيش حياتي كاملة ومخلي مرتي هو يحبس طوموبيل لمختار نت مزوج ولكن نتا باقي صغير وخلاتك مرتك تجي هي ما فرسهاش أنا غير هبرت من الدار دابا غادي يكونو مشوشين عليك ماشي لخاطري كان خاصني ضروري نخوي لبلاد تحركنا قال ليا بلي هو توحش عائلتو وباغي غير إمتا يمشي عندهم وصلنا لقهوة هبطت دخل معايا إلياس عيط على واحد خونا خدام هنا سلام سلام بغينا نشوفو لباطرون قال لينا طلعو عندو لفوق راه فالمكتب طلعنا دقينا قال تفضل دخلنا سلام بقى علينا بديك لهضرة ديال لخرا كيف حالكم كيف حال الناس المغرب كولشي تمام قلت ليه اه كولشي لحمد لله قلت ليه بلي أنا هو لي صيفطتني عندك لحاجة قال ليا اه مرحبا نشاء الله راح ما يخصك شي هون تضبط عملك وما تسوي شي بقلق الناس هون ولي قال ليك شي مترد عليه ولا تكلم حدا ضرني فكري بهاد لهضرة ديال لمرض قلت ليه نشاء الله راح يكون كولشي تمام ما تخاف من شي شنو إسمك يا أخي إسمي لمختار شو مختار شو هاد إسم هاد يا أخي إلياس قول ليه يديها فكرو قبل ما نغلط فيه شو عمتقول انت إلياس هضر معاه نت أنا صافي شعلت بقى إلياس كي هضر معاه وقال ليه 100 ألف لشهر وحنا نهبطو هضر مع لخدام قال ليه يويرني شنو ندير قال ليا إلياس فاش غادي تسالي أنجي نديك صافي واخا بقى خونا كي وريني كيفاش حتى نبقى نعمر شيشة عقلي خفيف بزربة وليت كنطير فهاد لعجب كل واحد كي عطيني لبورفوار ديالي إلى كان وكل النهار بحال هاك بلخصة ديالي وبروفوار يوصل الشهر تلقى عندي مليون ساليت وأنا نخرج لقيت إلياس واقف شعل كارو وكي تسناني سلام مختار كيف داز النهارك بخير طلعت لطوموبيل بقى هو كي تيكيف داك لكارو حتى سالا هو يطلع هو يمد ليا...يتبع

#درت_عقلي 

#الجزء 8

هو يطلع مد ليا لاكارط هادي ديرها فتيليفون وهضر مع الواليدة ديالك باش ما تبقاش مخلوعة عليك الله يحفضك أخويا إلياس وصلنا لدار دخلت دوشت جبت تيليفون ركبت ليه لاكارط درت نمرة ديال الواليدة تيليفون كي صوني ألو سلام وعليكم شكون معايا مقدرتش نهضر قالت اش هاد تبرهيش واش غير لي شراء شي تيليفون جديد يبدا يضحك على عباد الله الله يهديكم هاد شي لي غادة نقول ليكم سمعت صوتها وأنا رتاح جا عندي إلياس قال ليا يالاه نديك نسركلك هاد المدينة باش متلفش لبست واحد دجاكيطة وحنا نمشيو دينا طوموبيل مختار هضرتي مع الواليدة ديالك لا مقدرتش ولكن سمعت صوتها وهاد شي كافيني اه مزيان ولكن خاصك ضروري شي النهار تهضر معاها حيت تقدر توقع شي حاجة الله يحفض غادي نهضر معاهم ماخلينا حتى شي قنت وشفت شي حاجة كاع ما شفتها فالمغرب حتى من طوبيس رجال بوحدهم ولعيلات بوحدهم سوبر مارشي حتى هو هكاك هاد شي عندهم مختالف بزاف جاه واحد تيصال مشينا قدام واحد لفيلا هو يوقف إلياس علاش وقفنا هنا درايات غادي يخرجو دابا باش نديهم لدار علاش المهم اش كيديرو هنا خدامين هنا اه مزيان خرجو ومعاهم خديجة ركبو مختار نت ما خدامش اليوم لا حتى لغدا فالعشية اوا عجباتك لخدمة اه شويا المهم الله أوما هي ولا بلاش إوا غير شويا ديال صبر حتى تولف مشينا لدار خرجت كلست فجردة وكنفكر فالواليدة مسكينة شنو كدير دابا واش كتفكر فيا كيف ما كنفكر فيها أنا دابا عائشة مسكينة حتى هي دارت معايا لمستحيل باش نولي نبغيها ونعطيها لحنان ونتعمل معاها مزيان ولكن مقدرتش سمحي ليا ما كنتش كنتعمل معاك مزيان أنا كاع ما نستاهلك وختي لي غادة تزوج بهاك لي درت ليه 200 درهم قبل ما يولي نسيبي شفرت ليه 200 درهم أنا عيت معاهم قلت ليهم داك سيد ما يصلحش لختي ولكن هوما ما كي سمعوش هوما بغاوه خليهم دابا يجيو قولو لمختار كان عندو لحق جات كلسات حدايا خديجة لمختار شنو كالس كدير هنا بوحدك كنفكر فالواليدة وختي توحشتهم بزاف بحال وألو نقدر رجع مختار واش نت شويا بعقلك يالاه جيتي وغادي ترجع أنا ما ولفتش هنا كولشي مبدل عليا فالمغرب كنت ديما ضحك ونشفر لفلوس لهاد ولخر دوك لفلوس كنمشي نجيبهم شراب ونعيط عليك ونشربو أنا وياك تفكري كيفاش كنا عايشن لهيه وشوفي دابا كل واحد بعيد على لاخر وما بقيناش كنكلسو بجوج خاصنا نصبرو لمختار حتى يدير الله شي تويل تاع لخير خديجة بحال وألو نقدر رجع المغرب غير قول ليا شنو غادي تمشي دير تما ونتا وجهك وسختيه مع كولشي حتى واحد ما كي قولها فيك زوينة وطبيب لي ديتي ليه 20 مليون وكتهدو بالفيديو ولكن هو ما عارفنيش شكون أنا شوف حتى حاجة ما كتخبة فهاد دنيا كولشي كي تفضح ولكن أنا راه نقدر نصيفطو لحبس بالفيديو راه يقدر ينتقام ليك من عائلتك شوف من لحسن بقا هنا ما عندك ما تمشي دير تما خدم شي 3 شهر هنا وديك الساعة سير كتبان ليا 3 شهر باقة بعيدة وأنا ما عنديش صبر لمختار بغيت نقول ليك شي حاجة قولي أنا كنسمع معرفتش منين غادة نبدا نختصر ليك أنا ربيت عليك لكبدة وما نقدرش نتخايل حياتي بلا بيك واش أنا أو كسيجين ما تقدريش تعيشي بلا بيا قرابت ليا بغات تلصق فمها مع فمي هي تعيط لينا لحاجة مشينا عندها قالت لينا يالاه كل واحد يمشي لبيتو قالت ليا مختار نت تبعني بغيت نهضر معاك مشيت معاها لبيت قالت ليا كلس كلست واش تشرب شي حاجة لا بلاش غير قولي ليا شنو بغيتي باش نمشي رتاح مالك واش ما مرتاحش هنا لا بلعكس جات بدات كدوز يدها على صدري لمختار أنا معجبة بيك بزاف عندك شخصية قوية لحاجة واش هاد شي علاش جبتيني حتى لهنا غير على هاك جوج كلمات دابا واش غير نمشي اه صافي غير سير تميت غادي لبيت حتى كي جرني شي واحد من يدي خديجة هادي نتي مالكي علاش مخبية فاش بغاتك لحاجة وألو غير قالت ليا شي هضرة ما عندها لا ساس لا راس دابا خاصني نمشي رتاح حيت عيان بزاف مشيت لبيت جبت عليها بنعسة فقت لغدا ليه جا عندي إلياس وجاب معاه لفطور فطرنا كيف صبحتي بخير لحمد لله بغيت نعاود ليه على داك تصروف لي دارت معايا لحاجة وأنا قد ولدها إلياس بغيت نقول ليك شي حاجة شنو كاين لمختار لحاجة مالها هي توقف قالت ليه إلياس نوض تسخر ليا وبقات كتشوف فيا مشا بقيت كالس حتى وصل وقت لخدمة لبست حوايجي وصلني إلياس داك شي لي كنديرو ليوم كنديرو غدا نفس روتين مليت يخ واحد خيتي فين ما نهز عيني كلقها كتشوف فيا أنا حشمت بلاصتها سيدة حلفات لا بغات تحيد عينيها عليا ناضت تمت غادة لجيهت دوش هي تغمزني زعمة تبعني ديك الساعة ما كينش لباطرون تبعتها بقيت كنشوف ياك ما جاي شي واحد ما بان ليا حتى شي واحد دخلت عندها لقيتها كتقيص فبزازلها واش نتي سخونة حتى لهاد دارجة قالت ليا أجي غير بصبعها مشيت عندها زيد لبوقص ديالي ناري خيتي طلعت مغربية شداتني بشنايف بقات كتموري معايا هزيتها حطيتها فوق لا بابو قلت غادي لقى عندها داك شي مزير الساعة وألو داك شي خاصو ساروت باش يتزير كنخشيه سيدة ما كتغوتش المهم حيت ليها شهوة ديالها خرجت مشيت لدوش ديال رجال غسلت وجهي رجعت لبلاصتي هي دوز من حدايا قالت ليا مرة أخرى بالاشارة بيديها جا واحد السعودي بغا يدي وحدة صحة من حدا صاحبها ما بغاتش هو يضربها خونا مهضر ما وألو بقى كي جر فيها ناري خونا مكبوت دبصح ولكن هاد ما تصروف ما تلعبة مشيت عندو بغيت نحيدها ليه هو يطلق ليا واحد تصرفيقة يا خويا وليت كنشوف مي وكنهضر معاها داك شي لايف أخويا ولد لقحبة حتى نسيت الواليدة عاود فكرني فيها نضت ليه خونا متفهمتش أنا وياه خيتي كطلب فيه باش يطلقها وكنشوف فيها بقات فيا ولكن يا بنت لقحبة اش جابك لهاد لبلاد فكيتها منو جاو كاردكور لي على برا خرجوه بقى خونا كي طلب فيا قلت ليه ماشي موشكيل بقيت كخدام حتى قربنا نساليو هو يجي عندي حيد واحد لماكنة من يدو هو يعطيها ليا قال ليا هاد كادود من عندي حتفط بيه يا أخي نت راجل كتير حلوى شكرا ليك يا أخي درتها فيدي بحال الى داير ألماس جا عندي إلياس طلعنا فطوموبيل قلت ليه إلياس اش بان ليك فهاد الماكنة واااو شكون هاد لي عطاها ليك واحد سعودي هو لي عطاها ليا كادو عرفتي شنو داير فيديك ولا لا قالت ليه ماكنة شنو واش عرفتي شحال ساوية هادي ولا لا هادي غير كادو من عند سعودي غادة تبقى عندي وما عمري نفرط فيها ولا نبعيها مشينا لدار تميت غادي لبيت هي تعيط عليا...يتبع

لخوت سموحات على تعطيلة كنت بغيت نكتب لبارح ولكن شي مشاكيل هوما لي ما خلاونيش نكتب ماشي تعطلت عليكم النهار واحد ماتخليو لمن تقولها😢

#درت_عقلي

الجزء 9

تميت غادي لبيت هي تعيط عليا لحاجة مشيت عندها وخايف توقع شي حاجة بيني وبينها على سلامة كيف داوزتي النهارك لحمد لله واخا كان واحد شويا ديال صداع مع لكليان يزيد دخل غير خليني نمشي باقي خاصني نمشي ندوش ونعس واحد شويا لمختار دوش عندي راه هاد بحال بيتك بقيت كنشوف فيها ربي يخليك يالاه زيد دخل ما تبقاش واقف قدام لباب دخلت وحشمان قالت ليا حيد دجاكيطة حيتها رتاح أنا نمشي نجيب ليك شي حاجة تشريها لحاجة لا بلاش الله يخلف عليك واخا لي بغيتي على خاطرك أنا نمشي ندير ليك شوفو يسخن مشات وجات كلسات حدايا لصقات فخطها مع فخطي تزحمو ترحمو لمختار غير قول ليا مالك ما كتحملنيش وغير كتهرب مني لا بلعكس نتي عزيزة عليا وفوق من هاد شي نتي كتهلاي فيا وكتسولي عليا ولا خصاتني شي حاجة كتعطيها ليا ولقيتي ليا خدمة حطات يديها على صدري بدات كتلمس نت تستاهل كل لخير وأنا نوقف لحاجة واقيلا سخن شوفو مشيت لدوش حيت حوايجي ما مرتاحش هنا لحمي مبورش عليا كي قول ليا سير دوش فدوش ديالك تخشيت تحت شوفو لماء سخون أححح الله موحال واش باقي غادي نخرج من هاد دوش لحاجة جيبي ليا مانطة غادي نعس هنا كندوز يدي على شعري عجبني أخويا كندير ليه بحال كيف كيدير ليه شاور خان فاش كي كون كي غني مع كجول وكطيح عليهم شتاء نفس ديكور ولكن نتوما تحبون لكافر حتى كتحط عليا يد على كتفي معرفت باش تبليت درت لقيتها لحاجة وعريانة صدر (Abso) غائب داك شي عندها مكمش لصقات عليا لحم على لحم شدات ليا لساني لحاجة مختصا فهاد شي بقينا شحال فدوش حتى ذكار ديالي ما بغاش يوقف داتني ناموسية بقيت شحال أو هي معاه عاد حيا على سلامتك أخويا كان كي حساب ليا ما بقيتش راجل ناري اش كدير ليه أنا تلفت وكنت غالط فيها بزاف كان كي حساب ليا درويشة وداخلة لحزب ديال إسلام بنادم ما يقدرش يزعم عليها وهي فهاد لعمر تهليت فيها أنا خاص يديرو ليا بلاصة فصفحة زراقة حتى ولات كتقول ليا لمختار تبقى معايا ونشري ليك دار ونكتبها فسميتك ونعيشو فيها حتى نموت وتبقى ليك ورت بوحدك فاش تزوج جي دوز فيها صيف نت ومرتك واش نتي حمقة نبقى معاك وعمري يضيع عليا غير هكاك أنا ما بقاش ليا بزاف ورجع لمغرب عند عائلتي لمختار خليك معايا والله ما يخصك معايا شي خير لحاجة إلى قلت ليك أنا مزوج وهرب من الدار وعائلتي حتى لدابا وباقين ما عرفينش فين كاين المهم نت هاد شي لي بقا ليك باش ترجع لمغرب أتبقى معايا فاش تبغي تمشي أنا غادة نتهلا فيك مزيان لحاجة هاد شي لي كنديرو فيه ما مزيانش لمختار فكر فشحال ديال لفلوس غادي دي معاك من هنا قول ليا بعدة علاش خديجة ديما لاصقة فيك واش بينتكم شي حاجة...لحاجة أنا غادي نعود ليك كولشي ولكن الله يرحم ليك لواليدين هاد لهضرة لي غادي نقول ليك متخرجش من هاد لبيت صافي غير قول ما عندك مناش تخاف قلت ليها بلي خديجة هي لي كانت كتعطيني لفلوس باش نتكسا كاع داك شي لي كان لي خصني كتعطيه ليا وكنت كنعس معاها هي كتبغيني بزاف ولكن أنا ما كنبغيهاش كنبغي غير فلوسها واش خديجة فراسها بلي نت عندك مراة لا ما فراسهاش إلى عرفت غادة دير شي حاجة فراسها زعمة تقدر تقتل راسها على قبلك معرفت حيت أنا كنتوقع أي حاجة منها ولكن نت علاش خليتي مرتك وعائلتك وجيتي لهنا عودت ليها على طبيب وبنتو أية والفيديو لمختار عندك تمشي دير ليا شي فيديو لحاجة ولات غير هازة راسها وكتقلب لبست دجاكيطة خرجت مشيت لبيتي طيبت ليا ما ناكل هو يجي إلياس كلس معايا بركين كانكلو إلياس منين بلاصة نت أنا من الداخلة واااو واااو بعيدة بزاف شمن بلاصة فداخلة حي الحسني ونت منين أنا من الرباط بقينا كنهضرو حتى وصلات وقيتة ديالو باش يمشي يوصل دريات لخدمة قال ليا عندك تنعس أنا جايا ونكملو هضرتنا مع مشا ب 10 دقيقة لقيت راسي كنشخر وفمي محلول ورجليا كل وحدة فجيه كنفيق صباح طبلة فين كلينا باقة فبلاصتها داك شي مرون ضربت على إلياس ما لقيتوش فبلاصتو حكيت راسي بغيت نشوف شحال فساعة ما كلقاش الساعة فيدي فين هي بديت كنقلب تحت لفراش طبلة قلبتها بنادم لي ناعس كنهزو كلوحو ونقلب ليهم فراشهم ما لقيتهاش خرجت وكنقول فين هي فين هي جات عندي لخاجة لمختار مالك كتهضر غير بوحدك شنو واقع الساعة لي كان عطاني سعودي معرفت فين مشات قلب غير فبلاصتك راه غادة تكون غير تما ما عندها فين تمشي واخا خلي حتى يجي إلياس ونسولو واش شافها لمختار إلياس راه رجع لبلادو هو لي أيكون داها حيت فاش عطاها ليا سعودي وريتها ليه عينيه قرقشو عليها تميت غادي لبيت هي تقول ليا لمختار غادي يخصني شي شيفور يبقى يوصل لبنات لخدمة لحاجة خليني نمشي نقلب على الساعة ورجع عندك تلاقيت مع واحد لي نعس معايا فلبيت سولتو على الساعة وصفتها ليه قال ليا شافها عند إلياس كون غير جا عندي وقال ليا مختار عطيها ليا مردهاش فوجهو ولكن فاش دار هاك قودها دابا تجيبها لوقت ونتلاقاو أنا وياه اليوم لخر فشهر مشيت لخدمة بديت خدام كيف ديما هو يجي سعودي قديت ليه لعمرة هو يشد ليا يدي قال ليا فين هي ساعة علاش ما كديرهاش قلت ليه بلي ما كنجييهاش باش نحتفط بيها قال ليا تهلا فيها راه عندها قيمة كبيرة رجعت لبلاصتي وأنا نكلس بقات فيا شمتة علاش إلياس يخورني فالساعة زعمة أنا لي كنخورهم يجي دابا هاد يديرها بيا موحال حتى واش مدوز داك شي لي دوزت سالينا لخدمة تخلص فديك الساعة الناس الله يعمرها الدار الناس لي كتعرف لقانون وبحق ولد الشعب ماشي بحال هادو لي عندنا لخلاص سير على 4 يام ولا 5 يام درت لفلوس فجيب مشيت وقفت ولفت إلياس ولكن هادك غير زامل ماشي ديال لعشرة شويا كتوقف عليا بحال طوموبيل لي كيسوك إلياس معرفتش شكون لي مع جاج كحل ما كيبينش شويا هو يهبط جاج هههه والله ما متيق بلي هادي...يتبع